KKSH-Urime Pashkët
I nderuari Arqipeshkvi i Tivarit, Monsinjor, Zef Gashi,
I nderuar Ipeshkvi i Kotorrit Imzot Ilija Janjiq ,
Të nderuar klerikë dhe besimtarë të konfesionit katolik,
I nderuar popull shqiptar, dëshiroj dhe uroj që festa e Pashkëve të jetë festë për të gjithë ne, të dërgojmë mesazhe urimi, të bëjmë vizita të ndërsjellta, të respektojmë njëri tjetrin, ashtu siç e don tradita shqiptare.
Harmonia dhe toleranca ndërfetare te shqiptarët është vlerë e paçmuar e popullit tonë, është ambasadore e kulturës dhe virtytit tonë në botë, të cilën popuj dhe kombe të ndryshme e shohin me kërshëri dhe dëshirojnë ta mësojnë nga ne. Ne që e kemi duhet ta trashigojmë në brezat që vijnë.
Le të shërbejë kjo festë si shenjë mirëkuptimi, tolerance e unifikimi ndërmjet shqiptarëve të të gjitha besimeve,
Në emrin tim personal dhe të Institucionit që drejtoj, ju uroj Gëzuar Pashkët !
Genci Nimanbegu
