Thirrje publike për Draftin e Ligjit për ndryshimet dhe plotësimet e Ligjit për të Drejtat dhe Liritë e Pakicave
Ministria për të Drejtat e Njeriut dhe të Pakicave, në bazë të nenit 15 të Rregullores për zgjedhjen e përfaqësuesve të organizatave joqeveritare në trupat punuese të organeve të administratës shtetërore dhe për zhvillimin e debatit publik në përgatitjen e ligjeve dhe strategjive (“Fletorja Zyrtare e Malit të Zi”, nr. 41/18), vë në debat publik:
Draftin e Ligjit për ndryshimet dhe plotësimet e Ligjit për të Drejtat dhe Liritë e Pakicave
dhe shpall
THIRRJE PUBLIKE
Ministria fton qytetarët, publikun shkencor dhe profesional, organet shtetërore, subjektet politike, organizatat joqeveritare, organizatat ndërkombëtare, mediat, si dhe të gjitha organizatat dhe komunitetet e interesuara, që të marrin pjesë në debatin publik dhe të japin kontributin e tyre në shqyrtimin e Draftit të Ligjit për ndryshimet dhe plotësimet e Ligjit për të Drejtat dhe Liritë e Pakicave.
Debati publik do të zgjasë 20 ditë, duke filluar nga dita e publikimit të kësaj thirrjeje në faqen zyrtare të Ministrisë për të Drejtat e Njeriut dhe të Pakicave dhe në portalin e-qeverisjes.
Vërejtjet, propozimet dhe sugjerimet lidhur me tekstin e Draftit të Ligjit për ndryshimet dhe plotësimet e Ligjit për të Drejtat dhe Liritë e Pakicave mund të dërgohen me shkrim në adresën:
Ministria për të Drejtat e Njeriut dhe të Pakicave
Bulevardi Svetog Petra Cetinjskog nr. 130
81000 Podgoricë
si dhe në adresën elektronike: m.maksimovic@mmp.gov.me, duke përdorur formularin përkatës për dërgimin e vërejtjeve, propozimeve dhe sugjerimeve.
Tryeza të rrumbullakëta
Në kuadër të debatit publik, Ministria për të Drejtat e Njeriut dhe të Pakicave organizon katër tryeza të rrumbullakëta:
- 09 shkurt 2026, Ulqin – Salla e Kuvendit Komunal,
Bulevardi Gjergj Kastrioti Skënderbeu bb, ora 12:00
(për komunën e Tivarit, Budvës dhe Kotorrit) - 11 shkurt 2026, Tivat – Salla multimediale e Komunës,
Sheshi Magnolija nr. 1, ora 12:00
(për komunën e Herceg Novit) - 17 shkurt 2026, Rozhajë – Hoteli “Aldi”,
rruga Ibarska nr. 86, ora 11:00
(për komunat: Andrijevicë, Berane, Bijello Pole, Guci, Mojkovc, Petnicë, Pluzhinë, Plevla, Plavë dhe Zhablak) - 19 shkurt 2026, Podgoricë – Hoteli “Podgorica”,
rruga Svetlane Kane Radeviq nr. 1, ora 11:00
(për komunat: Tuz, Zeta, Cetinë, Danillovgrad, Nikshiq dhe Shavnik)
Dokumentacioni
Teksti i Draftit të Ligjit për ndryshimet dhe plotësimet e Ligjit për të Drejtat dhe Liritë e Pakicave, programi i debatit publik, raporti mbi analizën e vlerësimit të ndikimit të rregullores (RIA), si dhe formulari për dërgimin e vërejtjeve, propozimeve dhe sugjerimeve, janë të disponueshme në linkun e mëposhtëm:
