KKSH – Reagim per aktet vandale
Me datë 11 shkurt 2016, gjatë natës ndërmjet të mërkurës dhe të enjtës, nga zyrat të Këshillit Kombëtar të Shqiptarëve në Malin e Zi, është hequr me dhunë Flamuri kombëtar i shqiptarëve, së bashku me mbajtësen metalike e cila ishte e vendosur në mur, ndërsa flamuri është vjedhur.
Dënojmë ashpër kryersit e këtij akti vandal i cili prish harmoninë ndëretnike dhe është tentim për ndalimin e shprehjes së lirë të përkatësisë kombëtare shqiptare. Mendojmë se këto llojë veprimesh të pa pranueshme i takojnë kohërave të kaluara, për të cilat kemi menduar se i kemi lënë pas.
Këshilli Kombëtar i Shqiptarëve shprehë shqetësimin për aktet e tilla të urrejtjes, ndaj popullit shqiptar, sepse janë të dëmshme për demokratizimin e shoqërisë. Këshilli për këtë ngjarje e ka lajmëruar policinë.
Shqiptarët në Malin e Zi, me veprimet e deritanishme kanë kontibuar dhe kontribuojnë në tolerancën ndërnjerëzore duke respektuar veçantitë e të gjithë popujve që jetojnë në Ulqin dhe në Mal të Zi.
Ky nuk është rasti i parë, pasi që një veprim i ngjashëm ka ndodhur edhe me 1 qershor 2015, ku në të njëjtën mënyrë është hequr flamuri kombëtar.
Ne nuk duam dhe nuk mundemi të merremi me paragjykime se kush janë kryerësit dhe për çka është bërë kjo vepër vandale, por apelojmë dhe ftojmë të gjitha organet kompetetne, e në veçanti Policinë e Ulqinit e cila objektin e Këshillit Kombëtar e ka përballë ( disa metra larg), që të merren me zbardhjen e autorëve të kësaj vepre penale në mënyrë urgjente, kurse organet gjyqësore të kryejnë procesuimin dhe të dënojnë përgjegjësit, si shëmbull për të tjerët, që ky akt i shëmtuar të mos përsëritet, para së gjithash jo në mjedisin e tolerances siç është Ulqini ku harmonia dhe respekti i ndërsjelltë janë vlera të veçanta të cilat duhen ruajtur.
