KKSH – URIME DITEN E PARE TE SHKOLLES
Këshilli Kombëtar i Shqiptarëve në Malin e Zi, i’u uron të gjithë nxënësve ditën e parë të shkollës, duke i uruar një fillim të mbarë, të suksesshëm dhe sa më të frytshëm.
I urojmë njëherit edhe mësimdhënësve fillimin e vitit të ri shkollor, me dëshirën që dituria e tyre dhe e librit, të gjejnë strehim në mendjen e nxënësve dhe puna e tyre e shenjtë të realizohet si duhet.
Urojmë edhe prindërit për një vit sa më të suksesshëm për fëmijët e tyre, duke i kujtuar që sakrifica e bërë për t’i mundësuar fëmijëve arsimim sa më cilësor, një ditë do të shpërblehet.
Urimi më i veçantë është padyshim për ata që sot për herë të parë do të ulen në bankat e shkollës të cilët më këtë rast fillojnë një etapë të re të jetës së tyre, për çka ju urojmë suksese.
Dua që me këtë rast të përcjellë edhe një këshillë:
“Dituria është e vetmja gjë në botë me vlerë, por pa çmim. Ka shumë gjëra që presin për t’u mësuar, por shumë pak kohë për t’i mësuar”.
Andaj, shfrytëzojeni secilin moment për të ndriçuar mendjen tuaj me dituri dhe mbi të gjitha, mos harroni se ditët më të bukura janë ato në bankat shkollore.
Me shumë respekt,
Kryetari
Genci Nimanbegu
